新手班天公造美　全艇釣獲七十多條

日期：6-9-2017 (晴)
天氣：微風2級

之前原定的日子因打風關係而延期，好在今日天公造美天氣很晴，今日新手班同團朋友仔們都只係步兵玩過一兩次，今次第一次玩艇fit，甚至有位師兄完全未接觸過EGI釣法。

朝早同大家去到三門仔下村士多食個早餐，講解下今日流程順便做做簡單嘅認識，因為天氣悶熱，大家都買好充足嘅飲料作補給，然後就正式上艇啦！

行船過程中大家都好享受吹住海風， 船家豪仔亦好大方咁推油，我亦都幫佢地綁FG結，快扣結亦也趁機會教埋大家，只要大家得閒，在家中練習下好快會上手啦！(當年我睇電視都綁緊)

去到第一個釣點當然要親身示範下拋竿，控絲，做動作，帶絲同抽竿啦，好彩無失禮，過程中都中左隻良型。

陸陸續續大家都開始掌握到拋竿控絲，開始中到魷魚，身為高級漁僮嘅我梗係瘋狂咁撈魷魚同影相啦！！

上就釣況一般每，零零星星每個位都得一兩隻魷魚，玩到咁上下中午上左吉澳食大餐！！(相相相)

食飽補給埋，大家都上好電就續續出發啦！下晝開始轉流魷魚果然開始開工，每個位都有幾隻玩，個個中魷都中到High曬，我都開始忙碌，不斷發揮漁僮嘅角色，左撈右撈，當然唔少得射黎射去！

好彩最後都有七十口玩下，細隻都保育放生左，大家都好滿意個行程，全部都中晒毒呢！

如果你對Fit魷新手班有興趣，想接觸多一點艇Fit的話，可留意香港EGI同好會，我們會不時舉辦新手艇釣班，教導新手們基本的艇釣入門技巧。